JARRAITUZ PROGRAMA

 

ORTUELLAKO HEZKUNTZA UNITATE TERAPEUTIKOAN ESKU-HARTZEA AMAITZEN DUTEN IKASLEEI LAGUNTZEKO PROGRAMA,  HAIEN IKASTETXEAN JARRAITZEKO.

Programaren deskribapena eta helburuak

Jarraituz programak Ortuellako Arreta Terapeutiko-Hezigarrirako (ATH) matrikulatuta egon diren eta ikasturte berrian ikastetxe arrunt batera joaten diren Bizkaiko ikasleak artatzen ditu. Jarraituz programak psikologo terapeuta baten figura ezartzen du ikastetxean, ikasturte oso batean, astean lau orduko arreta-moduluetan, adingabeari Ortuellako ATHko zentro espezializatutik eskola arrunt batera igarotzen laguntzeko.

Ortuellako ATHa ikasturte batez Bizkaiko Lurralde Historikoko ikastetxeren batean matrikulatutako osasun mentaleko zailtasun larriak dituzten ikasleei arreta ematen dien ikastetxea da. Horrela, Jarraituz programako terapeutak ikaslearen itzulerako ikastetxean ekintza-plan bat ezartzen du, ikasleak bertara igarotzea ahalik eta erosoena izan dadin osasun-, hezkuntza- eta gizarte-mailan. Jarraituz programaren barruan sartzen da terapeutak ikastetxeko profesionalekin, adingabearen familiarekin eta kasuko zerbitzu soziosanitarioekin esku hartzea.

 

Programan parte hartzea

ATHko Zuzendaritzak eta Hezkuntza Berriztatzeko Zuzendaritzak erabakiko dute zein ikaslek parte hartu behar duen programa horretan, Ikuskaritzaren eta Berritzeguneko txostenak kontuan hartuta.